بابا نؤيل ليش ميجي للعراق؟

بسم الله الرحمن الرحيم
جايبلكم تحشيش على بابا نؤيل بس معرفت وين اخلي الموضوع ملكيت غير هذا المكان
ان شاء الله ينول اعجابكم
<<<<>>>>

مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء.. المهم فد يوم (حجي نؤيل) ديباوع بخريطة العالم چان يشوف العراق.. گال: إييييي.. هذولة خطيـّة خلي أساعدهم.. المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً..

بقى تقريبا ثلاث ساعات يدوّر على بيت بي شجرة مال إكرسمس وماكو.. هناك چان يخيّطها بِبريك قوي، حتى الغراض يلي بالعربانة وگعنْ واطّشرنْ... وگام يصيح: لگيت بيت... گيــت.. نِزل بالسطح وبُقه يدوّر على فتحة مال مدخنة يفوت منها!!.. ماكو.. راد باب مفتوحة!!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.

المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع، صوت واحد يصيّح (حرامي!!!).. وعينكم ما إتشوف الاّ النور.. إشتغلتْ الطلقاتْ والبيكيسياتْ وحتى قاذفات وهاونات.. لها على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب.

والتمّت المونيكات والهمرات والحرس الوطني والشرطة

... واحد يگول شفتة لابس حزام ناسف!!.. واحد يگول العربانة مالته مفخخة. هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتل بالطريق.. وبالتحقيق محد صدّگه وكل ميفك حلگه..يجي راشدي.. وبعدين زينوه صفر وأخذوا موبايلة وچانت بجيبة أربع أوراق ونص هم أخذوهِن.. تالـي طلع بالگوّة، گالو: رجّال چبير.

رجع (بابا نويل) للبيت يلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حمار وعربانة مكسرة إجو أخذوهن الدوّارة أهل الطحين وراحوا.

ويدكهة الرجّال مشي من بغداد لبيتهم حتى فلوس كيا بجيبه ماكو وگال ويه روحه: آني أجي كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه صاروخ (سِترِلّه) من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله..
عرفتو ليش ميجي للعراق

__________________
__________________

بابا نؤيل ليش ميجي للعراق؟ F_024m_65a383b

shut up & kiss me
بابا نؤيل ليش ميجي للعراق؟ Z022

بابا نؤيل ليش ميجي للعراق؟ F_11st0013colm_5175d10

love you

How can I love someone when I know u still love me?

How can I leave you when we are meant to be?

Though you said you are not good enough,

Though you said loving you is too tough,

But baby I just want nobody.. nobody but YOU!
بابا نؤيل ليش ميجي للعراق؟ 279692218

love you

ههههههههههههه يا بابا نؤيل خل يجي الامن يجي بابا نؤيل يطيك بسكت هههههههههههههههه